في ٣ أشياء رئيسية في الشتاء تأثر على تغذيتنا وعلى سلوكنا الصحي بشكل عام💜
١– انخفاض درجات الحرارة.
٢– طول فترة الليل وقصر فترة النهار.
٢– عدم الشعور بالعطش.
–
أولا : انخفاض درجة الحرارة🌡
١– تنتشر الأمراض:ومانقدر نلتزم بالتمارين وندخل في فترة خمول🤕
٢– نحس بالجوع وتزيد الشهية لأن الجسم يحتاج طاقة / اكل عشان يحافظ على الدفء ودرجة الحرارة المتوازنة.. ونبدأ بالتخبيص بسبب الجوع 😰
الحل :
١– الفواكه الموسمية والحمضيات.. تساعد في رفع مناعة الجسم🍋
٢– وزعي وجباتك بشكل مناسب على ساعات اليوم.. ماتزيد عن ٤ ساعات بين الوجبات..سواء وجبة رئيسية أو سناك👍🏻
٣– اشربي منقوع الأعشاب والمشروبات الساخنة اللي تساعد على دفء الجسم عشان ما يحتاج جسمك لوجبات اكثر تدفيه.. ☕
مثلا: حليب بالزنجبيل – يانسون – قرفه وممكن تضيفي عسل بدل السكر لأنه يساعد على الشعور بالدفء
٤– الشوربات سعراتها قليلة وعناصرها مفيدة وتساعد على دفء الجسم وزيادة المناعة🍵
٥– السناكات الصحية تساعدك كثير على عمل توازن وعدم الشعور بالجوع وممكن تزيدي عدد السناكات الى ٣ بدل ٢ المهم تكون صحية🥜
–
ثانيا : طول فترة الليل🌙
يأثر على العمليات الحيوية ويسبب خمول ويقلل من سرعة حرق السعرات..
الحل :
١– لا تسهري 🙅🏻♀❌
لأن النهار قصير وتنشط فيه العمليات الحيوية ومعدل الحرق اعلى.. حرام تضيعيه في النوم😴
٢– اشربي المشروبات اللي تساعد على زيادة الحرق مثل الشاي الاخضر .. الزنجبيل🍃
–
ثالثا : عدم الشعور بالعطش
يقل شربنا للماء بسبب انا مانحس بالعطش كثير وهذا يسبب جفاف لأجسامنا ويأثر على أداءنا وطاقتنا 👌🏻
الحل .
لازم تراقبي كمية شربك للماء💧 مثلا يكون عندك ٣ – ٤ علب باليوم وتخلصينها حتى لو مو عطشانه ممكن تضيفي قطعة ليمون عشان تعطي المويه نكهة🍋
ابدئي يومك بكوب ماء دائما وخليها عادة عندك👍🏻
بانتباهك للملاحظات اللي ذكرناها راح يكون الشتاء فرصة لخسارة الوزن بدل زيادة الوزن 😍💪🏻